Elm və Təhsil Nazirliyinin akademik Y.H.Məmmədəliyev adına Neft-Kimya Prosesləri İnstitutunun Polifunksional monomerlər və oliqomerlər laboratoriyasının müdiri professor Çingiz Rəsulov və aparıcı elmi işçisi Gülşən Həsənova tərəfindən yazılmış “Funksional əvəzli fenollar: bioloji fəallığı və tətbiq sahələri” adlı monoqrafiya çapdan çıxıb.

İnstitutdan bildirilib ki, monoqrafiyada fenol birləşmələrinin, xüsusilə fenolların, onların alkilləşdirilmiş əvəzedicilərinin, həmçinin çoxsaylı fenol birləşmələrinin, məsələn, fenol turşularının, polifenolların, flavonoidlərin bioloji fəallığının öyrənilməsi sahəsində aparılmış elmi tədqiqatların nəticələri əksini tapıb.

Monoqrafiya neft-kimya sintezi sahəsində çalışan geniş spektrli elmi tədqiqatlara malik mütəxəssislər, o cümlədən doktorantlar, dissertantlar və magistrantlar üçün nəzərdə tutulub.