Bu gün şahmat üzrə Azərbaycan çempionatına yekun vurulacaq.

Mükafatçıların adına tay-brek görüşlərindən sonra aydınlıq gələcək.

Kişilərin mübarizəsində Şəhriyar Məmmədyarov və Rauf Məmmədov, qadınların yarışında isə Gövhər Beydullayeva və Günay Məmmədzadə öz aralarında qalibləri müəyyənləşdirəcəklər. Hər iki dueldə ilk 2 oyundan sonra hesab bərabərdir - 1:1.

Qadın şahmatçılar arasında 3-cü yer uğrunda qarşılaşmada isə Gülnar Məmmədova ilə Ülviyyə Fətəliyeva münasibətlərinə tay-brekdə aydınlıq gətirəcəklər.

Həlledici qarşılaşmalar saat 15:00-da start götürəcək.

Qeyd edək ki, kişilərin mübarizəsində Teymur Rəcəbov səhhətindəki problemlə əlaqədar 3-cü yer uğrunda görüşlərə çıxmadığından Misrətdin İskəndərov avtomatik olaraq bürünc medala sahib çıxıb.