Burkina Faso hökuməti 2018-ci ildə ləğv edilmiş ölüm cəzasını bərpa etmək istəyir.

insanhaqlari.az “Figaro”ya istinadla xəbər verir ki, bu barədə hökumətdəki mənbə məlumat verib.

Mənbənin məlumatına görə, məsələ hökumət nümayəndələri arasında müzakirə olunur. Bu barədə keçid parlamentinə müvafiq layihə təqdim etmək və Cinayət Məcəlləsini dəyişmək nəzərdə tutulur.

Bir neçə gün əvvəl ədliyyə naziri Cinayət Məcəlləsinə dəyişiklik ediləcəyini bildirsə də, də konkret tarix və dəyişikliklərin məzmunu barədə məlumat verməyib.

Qeyd edək ki, Burkina-Fasoda sonuncu ölüm hökmü 1988-ci ildə icra olunub.