Bursanın İznik rayonunda təxminən 2000 illik Roma teatrında aparılan qazıntılar zamanı günümüzə qədər gəlib çatan ən qədim nümunələrdən biri olduğu bildirilən İsanı qucağında tutan Məryəmin freskası bərpa edilərək gün üzünə çıxarılıb.

Arxeoloqlar 325-ci ildə imperator I Konstantinin çağırışı ilə Xristian kilsəsinə bağlı bütün yepiskopların iştirakı ilə Birinci Şuranın keçirildiyi İznikdə Roma teatrının dini istifadə mərhələsini araşdırır, burada mühüm dini mövzular müzakirə edilir və qərar verilirdi.

Teatr 1980-ci illərdə başlayan və 2016-cı ildən bu yana fasiləsiz davam edən qazıntı və bərpa işlərinin böyük hissəsinin tamamlanmasıyla mart ayında yenidən ziyarətçilərin ixtiyarına verilib.  Əsas binaların xaricindəki sahələrdə işlər davam edir.

Hündürlüyü 1,42 metr, eni 78 santimetr olan, ağ fonda olan, qiymətli rəngli daşlarla bəzədilmiş, hündür taxtda oturan Məryəmin və qucağında İsanın təsvir olunduğu freskanın düz yanında hündürlüyü 1,5 metr, eni 3,15 metr olan freska var. İsanın sol tərəfdə oturduğu və boynunun sağa, Məryəmə tərəf əyilmiş olduğu görünür. Professor Aygün Ekin Meriç teatrın 111-ci ildə imperator Trayanın dövründə tikilməyə başladığını bildirib.
Bitiniya valisi Trayan ilə Plininin yazışmalarından binanın inşası ilə bağlı çox mühüm məlumatlar əldə etdiklərini izah edən alim  bildirib ki, İznik Roma teatrı 103 metr eni və 80 metr hündürlüyü,  tamamilə tonozlu arxitekturası ilə düz bir sahəyə qaldırıldığı üçün Anadoluda yeganə nümunədir. Orijinal formada 3 mərtəbədən ibarət tonoz sistemi ilə 24 metr yüksəklikdə və 10 min adam tutumlu bir teatr olub.

Meriç  binanın 2-ci əsrdən 17-ci əsrə qədər istifadə edildiyi üçün çox mərhələli xüsusiyyətə malik olduğunu bildirib və əlavə edib ki, 2025-ci ildə katoliklərin ruhani lideri və Vatikanın prezidenti Papa Fransiskin  Birinci Şuranın 1700 illik yubiley mərasimlərində buranı ziyarət edəcək.