insanhaqlari.az

Türkiyədə qadınlarla bağlı statistik araşdırmanın nəticələri açıqlanıb

06-03-2025 Baxılıb: 0

Türkiyədə qadınlarla bağlı statistik araşdırmanın nəticələri açıqlanıb


Türkiyənin Statistika İdarəsi 8 Mart – Beynəlxalq Qadınlar Günü ərəfəsində “Statistikalarda qadın - 2024” araşdırmasının nəticələrini açıqlayıb. Buna əsasən, Türkiyə əhalisinin 49,98 faizini qadınlar təşkil edir və orta hesabla kişilərdən 5,3 il daha çox yaşayırlar.

Ölkənin Əhali Qeydiyyat Sisteminin 2024-cü il dekabrın 31-nə olan nəticələrinə əsasən, Türkiyə əhalisinin 42 milyon 811 min 834 nəfəri qadındır.

Hesablamalara görə, qadınlar ölkə əhalisinin 60-74 yaş qrupunun 52 faizini, 90 və daha yuxarı yaş qrupunun isə 69,1 faizini təşkil edir. Bu da zərif cinsin kişilərə görə 5,3 il daha çox yaşadığını göstərir.

Türkiyənin təhsil sahəsi üzrə statistik göstəriciləri ölkədəki ümumi qadınların orta təhsil müddətinin 8,6 il olduğunu, ən az bir təhsil səviyyəsini tamamlayan qadınların nisbətinin isə son 17 ildə 87,8 faizə çatdığını göstərir. Bu dövr ərzində Türkiyə qadınları arasında ali təhsilini tamamlayanların nisbəti 7,1 faizdən 22,7 faizə yüksəlib. Araşdırmaların nəticələrində qeyd edilib ki, ölkə üzrə ali təhsilini tamamlayan qadınların 84,6 faizi anaları da yüksək təhsilli olanlardır.

Məşğulluq üzrə statistik göstəricilər isə Türkiyədə qadınların kişilərə nisbətən daha az işlədiyini, işçi qadınların 15 yaşdan yuxarı ümumi əhali sayının 31,3 faizini təşkil etdiyini göstərir.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
«    Aprel 2025    »
BeÇaÇCaCŞB
 123456
78910111213
14151617181920
21222324252627
282930