Şimali Qazaxıstanda 84 nəfər donuz qripinə, 4 nəfər isə Honqkonq qripinə yoluxub.

Bu barədə Kazinform xəbər agentliyi məlumat yayıb. Bildirilib ki, epidemiya mövsümündə 91 nəfər infeksiyanın A tipinə, 9 nəfər isə B tipinə yoluxub. Onlardan 35-i uşaqdır. Yoluxanların heç biri qripə qarşı peyvənd olunmayıb.

ARVI və qripin əsas əlamətlərinə yüksək hərarət, ümumi intoksikasiya, halsızlıq, boğaz ağrısı, burun tıxanıqlığı daxildir. Mütəxəssislər yanlış müalicənin xəstəliyin ağır formalarına səbəb ola biləcəyini vurğulayaraq, pnevmoniyanın ən təhlükəli komplikasiya olduğunu qeyd ediblər.