Qazaxıstanda Qaraqanda geoloqları perspektivli nadir torpaq elementləri yataqlarını aşkar ediblər.

“Tsentrgeolsyomka” Məhdud Məsuliyyətli Yoldaşlığı Kuyrektıkol ərazisində kəşfiyyat işlərinin aparılması zamanı nadir torpaq metallarının böyük ehtiyatlarına malik bir neçə perspektivli sahələr müəyyən edib. Onların ümumi ilkin hesablanmış ehtiyatları təxminən bir milyon ton təşkil edir.

Kuyrektıkol ərazisi Astanadan 300 kilometr cənub-şərqdə, Qaraqanda vilayətinin Karkaralı rayonunda yerləşir.

Bundan əlavə, geoloji məlumatların hərtərəfli təhlilinin nəticələrinə əsasən, ölkə inkişafının yeni mərhələsi münasibətilə Jana Qazaxıstan (Yeni Qazaxıstan) adlandırılmış yeni geniş proqnoz zonası ayrılıb. İlkin hesablamalara görə, onun tərkibində 300 metr dərinliyə qədər 20 milyon tondan çox nadir torpaq metalları ola bilər.

Aşkar edilmiş nadir torpaq metalları yataqları təsdiqlənərsə, Qazaxıstanı öz ehtiyatlarına görə dünya liderlərindən birinə çevirə, özünün yüksək texnoloji sənayesinin inkişafı üçün perspektivlər aça bilər.