Aprelin 2-də Naxçıvan Muxtar Respublikası Ali Məclisi sədrinin birinci müavini Bəxtiyar Məmmədov muxtar respublikanın ali qanunvericilik orqanında təcrübəyə başlayan Naxçıvan Dövlət Universitetinin tələbələri ilə görüşüb.

Bu barədə Naxçıvan Muxtar Respublikası Ali Məclisinin mətbuat xidmətindən məlumat verilib. 

İlk dəfə tələbələrin Ali Məclisdə təcrübəyə cəlb olunduğunu deyən Bəxtiyar Məmmədov real iş mühitində bilik və bacarıqların tətbiq edilərək təcrübə qazanmağın gələcəkdə peşəkar karyera baxımından böyük əhəmiyyət daşıdığını bildirib, tələbələrə təcrübə müddətində və gələcək fəaliyyətlərində uğurlar arzulayıb.

Naxçıvan Dövlət Universitetinin rektoru Elbrus İsayev, Ali Məclis sədrinin müavini Arzu Abdullayev, Universitetin Tarix-filologiya fakültəsinin dekanı Arif Ağalarov və Ali Məclis Aparatının rəhbəri Ülvi Hüseynli çıxış edib, tələbələr üçün yaradılan şəraitə görə minnətdarlıqlarını bildiriblər.