Son iki gün ərzində Türkiyənin Kocaeli vilayətində toyuq dönərindən 648 nəfər zəhərlənib.

Hadisə Kocaelinin Körfəz rayonunda baş verib.

Kocaeli valiliyindən verilən açıqlamada hadisə ilə bağlı aidiyyatı qurumların hərəkətə keçdiyi, müəssisənin bağlanaraq, barəsində cinayət işinin açıldığı və iş yerindəki satışa hazır dönərlərdən nümunə götürüldüyü bildirilib.

Qeyd edilib ki, zəhərlənmə faktı ilə bağlı iş yerinin sahibləri olduğu müəyyən edilən iki şəxs saxlanılaraq növbətçi məhkəmə tərəfindən həbs edilib.

Valilik zəhərlənmə ilə xəstəxanalara müraciət edənlərdən 646-nın ilkin tibbi yardımdan sonra evə buraxıldığı, vəziyyəti ağır olan iki nəfərin isə müalicəsinin davam etdiyini bildirib.