Böyük Britaniya hökuməti Londonun şimalında yerləşən Luton hava limanının genişləndirilməsi planlarını təsdiqləyib.

Layihə çərçivəsində yeni terminalın inşası və mövcud terminalın tutumunun artırılması nəzərdə tutulur.

Qeyd edək ki, ötən il 16,9 milyon sərnişinə xidmət göstərən Luton hava limanı ölkənin beşinci ən işlək hava limanı olub. Genişlənmə nəticəsində illik sərnişin axınının 2043-cü ilə qədər 32 milyona çatdırılması planlaşdırılır.

Ekoloji fəallar isə layihəyə etiraz edərək, iqlim dəyişikliyi fonunda əlavə 70 min təyyarə reysinin ətraf mühitə mənfi təsir göstərəcəyini bildiriblər.