“IQAir” texnologiya şirkətinin məlumatlarına görə, Yeni Dehlidə Hava Keyfiyyəti İndeksi "təhlükəli" olaraq təyin olunan 300 həddini keçərək 581-ə yüksəlib.

Rəsmilər vətəndaşların havanın çirklənməsi səbəbindən nəfəs almaqda çətinlik, göz və boğazda qaşınma kimi şikayətlərlə qarşılaşa biləcəyini ifadə edərək, insanları bağlı yerlərdə qalmağa çağırıb.

“IQAir” rəsmisi Frank Hammes  Yeni Dehlidə havanın çirklənməsinin Covid-19-dan daha çox  təhlükəli olduğunu və ictimai sağlamlığa təsir göstərə biləcəyini qeyd edib.

Səhiyyə mütəxəssisləri çölə çıxmalı olan vətəndaşlara maska taxmağı tövsiyə edib.

“Mərhələli Mübarizə Fəaliyyət Planı (GRAP)" çərçivəsində məktəblərin əksəriyyəti təhsildə hibrid modelə keçib, bütün inşaat işləri müvəqqəti olaraq dayandırılıb.