Atlantik okeanında formalaşan Beril qasırğasının intensivliyi artıb.İlkin məlumatlara görə, qasırğa nəticəsində 1 nəfər ölüb.
CNN-in məlumatına görə, Beril qasırğası 2005-ci ildə Emili qasırğasından sonra 5-ci kateqoriyaya çatan ikinci Atlantik qasırğası olub.ABŞ Milli Qasırğa Mərkəzinin verdiyi açıqlamada qasırğanın sürətinin saatda 257 kilometrə çatdığı bildirilib.
Açıqlamada qasırğanın intensivliyinin yaxın günlərdə dəfələrlə dəyişəcəyi, qasırğanın Karib dənizinin mərkəzində və Yamaykaya doğru irəlilədikcə də intensivliyini qoruyacağı bildirilib.
Qeyd edək ki, dünən yerli vaxtla saat 11:00-da saatda 241 kilometr sürətlə Qrenadanın Karriaku adasını vuran qasırğa nəticəsində bir nəfər ölüb.
Ölkədə elektrik və su kəsilib, Union adasındakı yaşayış məntəqəsinin 90 faizi zədələnib.

---

---