Hindistan kosmos tədqiqatlarını davam etdirir. Hindistan Kosmik Tədqiqatlar Agentliyi  Space Docking Experiment (SpaDeX) missiyası çərçivəsində Andhra Pradeş əyalətindəki Satish Dhavan Kosmik Mərkəzindən ilk raketini buraxdı.

Təxminən 15 dəqiqə sonra kosmik gəmi 470 kilometr hündürlüyə çatdıqda buraxılışın uğurlu olduğu açıqlanıb.Peyklərin orbitə yerləşdirildiyini deyən Hindistan Kosmik Tədqiqatlar Agentliyinin prezidenti  Somanath verdiyi açıqlamada dok texnologiyasına təxminən bir həftə ərzində nail ola biləcəklərini deyib.

Peyklər kosmosda elektron və proton radiasiya səviyyələrini ölçmək üçün nəzərdə tutulmuş radiasiya monitorinqi avadanlığı və təsvir sistemi də daxil olmaqla qabaqcıl aparatlara malikdir və gələcək ekipajın kosmik missiyaları üçün kritik məlumatları təmin edəcəyi gözlənilir.

Docking uğurlu olarsa, Hindistan ABŞ, Rusiya və Çindən sonra kosmosda dok texnologiyasına malik 4-cü ölkə olacaq.