insanhaqlari.az

The Times: Britaniya ABŞ-dən əlavə “F-35”lər alacaq

31-03-2025 Baxılıb: 0

 

Böyük Britaniya, Avropa müttəfiqlərinin Vaşinqtondan həddindən artıq müdafiə asılılığı ilə bağlı narahatlıqlarına baxmayaraq, əlavə olaraq ABŞ-dən “F-35” qırıcıları alacaq.

Bu barədə Times qəzeti mənbələrə istinadən məlumat yayıb.

London bundan əvvəl Kral donanmasının iki təyyarədaşıyan gəmisi üçün 48 ədəd “F-35B” qırıcısı sifariş edib. Onlardan 37 ədədi artıq alınıb.

Nəşrin məlumatına görə, Britaniya hakimiyyəti indi ölkənin hərbi büdcəsinin artması fonunda klassik “F-35A”ların alınması imkanını nəzərdən keçirir. Təyyarələrin 20 ildən çox əvvəl istifadəyə verilmiş “Eurofighter Typhoon” qırıcılarını qismən əvəz edəcəyi gözlənilir.

Çünki, Kral Hərbi Hava Qüvvələri performans baxımından “F-35”dən daha aşağı olan 49 ədəd “Eurofighter Typhoon” qırıcısından imtina etməyi planlaşdırır.

Böyük Britaniya “F-35”in komponentlərinin təxminən 15%-ni istehsal edir. The Times-ın mənbələri hesab edir ki, Böyük Britaniya Amerika qırıcılarına keçdikdən sonra mühəndislik bacarıqlarını itirməyəcək, çünki ölkə ixrac üçün “Eurofighter Typhoon” istehsalını davam etdirəcək, xüsusən Səudiyyə Ərəbistanı və Türkiyəyə.






Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
«    Aprel 2025    »
BeÇaÇCaCŞB
 123456
78910111213
14151617181920
21222324252627
282930